کوئٹہ، یکم اکتوبر: صوبائی وزیر تعلیم راحیلہ حمید خان درانی نے نیشنل انسٹی ٹیوٹ آف پبلک ایڈمنسٹریشن (نِیپا) کوئٹہ میں 47ویں مڈ کیریئر مینجمنٹ کورس کی اختتامی تقریب میں شرکت کی۔
تقریب سے خطاب کرتے ہوئے صوبائی وزیر تعلیم نے کہا کہ سرکاری افسران ریاستی نظام کا اہم ستون ہیں، اس لیے ان کی پیشہ ورانہ تربیت اور انتظامی صلاحیتوں میں اضافہ ضروری ہے۔ بہتر عوامی خدمت اور مؤثر حکمرانی کے لیے افسران کی تربیت ناگزیر ہے۔
انہوں نے کہا کہ تربیتی ادارے افسران کی قائدانہ اور فیصلہ سازی کی صلاحیتوں کو بہتر بنانے میں اہم کردار ادا کر رہے ہیں۔
اس موقع پر نِیپا کے ڈائریکٹر جنرل ڈاکٹر علی رضا شاہ نے ادارے اور تربیتی پروگرامز کے حوالے سے صوبائی وزیر تعلیم کو تفصیلی بریفنگ دی۔ صوبائی وزیر نے مڈ کیریئر مینجمنٹ کورس مکمل کرنے والے 27 افسران میں سرٹیفکیٹس بھی تقسیم کیے۔