جیکب آباد: تھانہ میراں پور کی حدود میں پرانے تنازعے پر دو گروپوں کے درمیان تصادم کے نتیجے میں دو خواتین سمیت چار افراد جاں بحق ہوگئے۔
واقعے کے بعد علاقے میں خوف و ہراس پھیل گیا اور فضا سوگوار ہوگئی، جبکہ شہری گھروں تک محدود ہوکر رہ گئے۔
پولیس نے امن و امان کی صورتحال برقرار رکھنے اور کسی بھی ناخوشگوار واقعے سے بچنے کے لیے علاقے کے مختلف مقامات پر پولیس پکٹس قائم کردی ہیں اور سکیورٹی کے خصوصی انتظامات کیے ہیں۔