کوئٹہ: نوشکی سے 210 پولیس اہلکاروں کو خضدار رینج منتقل کر دیا گیا ہے، جہاں انہیں خضدار، قلات، بیلہ، حب اور آواران میں مختلف مقامات پر ڈیوٹیاں تفویض کی جائیں گی۔
ذرائع کے مطابق پولیس اہلکاروں کی منتقلی کا مقصد متعلقہ اضلاع میں امن و امان کی صورتحال کو بہتر بنانے اور پولیس نفری کی ضروریات پوری کرنا ہے۔ منتقل ہونے والے اہلکاروں کو خضدار رینج کے مختلف اضلاع میں ضرورت کے مطابق تعینات کیا جائے گا۔
پولیس حکام کی جانب سے اہلکاروں کی تعیناتی اور ڈیوٹی کے مقامات سے متعلق مزید انتظامی احکامات بھی جاری کیے جانے کا امکان ہے۔