وزیراعلیٰ پنجاب کا بلوچستان میں کامیاب آپریشنز پر سکیورٹی فورسز کو خراج تحسین

لاہور، 19 ستمبر: وزیراعلیٰ پنجاب مریم نواز شریف نے بلوچستان کے علاقوں پنجگور اور چاغی میں دہشتگردوں کے خلاف کامیاب کارروائیوں پر سکیورٹی فورسز کو خراج تحسین پیش کیا ہے۔
وزیراعلیٰ مریم نواز شریف نے پنجگور اور چاغی میں کارروائیوں کے دوران 11 دہشتگردوں کی ہلاکت پر سکیورٹی فورسز کو خراج تحسین پیش کرتے ہوئے ان کی جرات اور پیشہ ورانہ صلاحیتوں کو سراہا۔
مریم نواز شریف نے کہا کہ قوم کو اپنی بہادر مسلح افواج پر فخر ہے، دہشتگرد بچ نہیں پائیں گے۔
وزیراعلیٰ نے دہشتگردی کے خلاف سکیورٹی فورسز کی کارروائیوں اور ملک کے تحفظ کے لیے ان کی قربانیوں کو بھی خراج تحسین پیش کیا۔