چین نے ایران پر عائد ہونے والی نئی امریکی پابندیوں کی مخالفت کردی۔
ترجمان چینی وزارت خارجہ کے مطابق ایسی پابندیوں کا بین الاقوامی قانون میں کوئی بنیاد نہیں جس کی منظوری سلامتی کونسل نے نہ دی ہو، دونوں فریق سیاسی و سفارتی ذرائع سے مسئلے کا حل تلاش کریں، ہم متعلقہ فریقوں سے مطالبہ کرتے ہیں کہ ذمہ دارانہ رویہ اختیار کریں۔
متعلقہ پوسٹس
واضح رہے کہ امریکا نے ایران پر اقتصادی دباؤ مزید بڑھاتے ہوئے نئی پابندیاں عائد کردیں ہیں۔ امریکی محکمہ خزانہ کے مطابق کارروائی کا ہدف ایران کا خفیہ مالیاتی یا شیڈو بینکنگ نیٹ ورک ہے۔ یہ نیٹ ورک تیل اور دیگر برآمدات سے حاصل ہونے والی رقوم کی منتقلی اور واپسی میں مدد فراہم کرتا ہے۔ پابندیوں میں ایرانی بینکوں سے منسلک فرنٹ کمپنیوں، ایکسچینج ہاؤسز اور مالیاتی سہولت کاروں کو نشانہ بنایا گیا۔
امریکی وزیرخزانہ اسکاٹ بیسنٹ کہتےہیں تہران کےخلاف تاریخ کی سخت ترین پابندیاں عائد کریں گے۔ جوممالک تہران کے ساتھ کاروبار جاری رکھنے پر اصرار کریں گے ان کےخلاف بھی کارروائی ہوگی۔