اسلام آباد، 22 ستمبر: صدر مملکت آصف علی زرداری نے بلوچستان کے علاقے ساران تنگی میں فتنہ الہندوستان کے 6 دہشت گردوں کو ہلاک کرنے پر سکیورٹی فورسز کو خراج تحسین پیش کیا ہے۔
ایوان صدر کے میڈیا ونگ کے مطابق صدر مملکت نے دہشت گردوں کے عزائم ناکام بنانے پر سکیورٹی فورسز کی بہادری اور پیشہ ورانہ مہارت کو سراہا۔
متعلقہ پوسٹس
آصف علی زرداری نے کہا کہ بیرونی مداخلت کی وجہ سے ہونے والی دہشت گردی کے خلاف جنگ جاری رہے گی۔
صدر مملکت نے کہا کہ فتنہ الہندوستان اور اس کے سہولت کار پاکستان کے امن و استحکام کو نقصان پہنچانے میں کامیاب نہیں ہوں گے۔