وزیراعلیٰ بلوچستان میر سرفراز بگٹی کے وژن کے تحت ضلع زیارت میں تعلیمی معیار بہتر بنانے اور طلبہ کو عملی تعلیم کے مواقع فراہم کرنے کے لیے سرگرمیاں جاری ہیں۔
گورنمنٹ بوائز ہائی اسکول سمالن سنجاوی میں سائنس ٹیچر نیک محمد نے جماعت نہم کے طلبہ کو طبیعیات کے عملی تجربات کرائے، جن میں طلبہ نے بھرپور حصہ لیا اور سائنسی اصولوں کو عملی طور پر سمجھا۔
متعلقہ پوسٹس
اس موقع پر طلبہ کو تجربات کے طریقہ کار، احتیاطی تدابیر اور متعلقہ سائنسی اصولوں سے آگاہ کیا گیا۔
اسکول انتظامیہ کے مطابق عملی تعلیم سے طلبہ میں سائنسی سوچ، مشاہدے، تحقیق اور مسائل حل کرنے کی صلاحیتیں بہتر ہوتی ہیں اور انہیں جدید تعلیمی تقاضوں سے ہم آہنگ کرنے میں مدد ملتی ہے۔